Film haqida

2-mavsum yanada qorong‘i, murakkab voqealarni o‘z ichiga oladi, shu bilan birga Venzdey o‘zini yangi, sirli va g‘ayritabiiy sarguzashtlarga sho‘ng‘itar ekan, serialga xos qora hazil hamon saqlanib qoladi. Dahshatli voqea 2-mavsumning fojeali finalida eng yuqori nuqtasiga yetadi.
“Umid qilamizki, muxlislar finaldan kutilmagan darajada ajablanishadi va to‘la qoniqish his qilishadi,” — deydi Gough. Millar esa qo‘shimcha qiladi: “8-qismdagi sirlarning ochilishi muxlislarda ‘3-mavsumda nima bo‘ladi, Venzdeyni qanday yangi sarguzasht kutmoqda?’ degan savolni uyg‘otishiga umid qilamiz.”

Bu sarguzashtlar Venzdey Addamsni avvalgidan ham uzoqroqqa eltadi.
“3-mavsum uchun maqsadimiz har doimgidek bir xil: Venzdey tarixidagi eng yaxshi mavsumni yaratish,” — deydi Gough. “Qahramonlarimizni yanada chuqurroq ochish, Nevermor va Venzdey dunyosini kengaytirishda davom etmoqchimiz.” Millar esa shunday deydi: “3-mavsumda Addamslar oilasining yana ko‘proq a’zolarini ko‘ramiz va oilaning ko‘p yillik sirlaridan voqif bo‘lamiz!”

Syujet tafsilotlari yoki chiqish sanasi haqida hozircha aniq ma’lumot yo‘q. Sirli ijodkorlar hozircha og‘izlariga qulflar solishgan — ular hatto bir parcha chirigan sirni ham oshkor qilishni istashmaydi.
“Albatta,” — deya hazillashadi Millar, — “ammo keyin sizni sayoz qabrga ko‘mib qo‘yishimga to‘g‘ri kelardi.”

Venzdeyning keyingi bobini kutishga to‘g‘ri keladi, biroq Nevermorning gotik yo‘laklarida allaqachon kezishingiz mumkin. 2-mavsumning barcha sakkizta qismi taqdim etilgan — ular sizni qorong‘ulik og‘ushiga chorlaydi.